Mektep oqýshylary QazUTÝ-dyń bilim granttaryna ıe boldy
ALMATY. 5 naýryz. QazAqparat /Erbol Azanbek/ -Búgin Almatydaǵy Q.Sátbaev atyndaǵy QazUTÝ-da fızıka, hımııa, matematıkadan oqýshylar arasynda ótken aımaqtyq olımpıada jeńimpazdary marapattaldy.
Esterińizge sala keteıik, QazUTÝ uıymdastyrǵan olımpıada 26-27 aqpan aralyǵynda ótti. 2 týrdan turatyn bilim básekesine Almaty qalasy, Almaty oblysy, Shymkent, Taraz qalalarynan myńǵa jýyq 10-11 synyp oqýshylary qatysty. Bulardyń ishinen 28-i júldeger, 6-ýy jeńimpaz atanǵan bolatyn.
Búgingi shara barysynda jeńimpazdar men júldegerlerge, olardyń ustazdaryna «Qarashyǵanaq Petroleým Opereıtıng», «Qazatomónerkásip», «Kosmostyq zertteýler ulttyq ortalyǵy», «Sımens» kompanııalarynyń baǵaly syılyqtary tapsyryldy. Bunymen qatar Kosmostyq zertteýler ulttyq ortalyǵy Almaty qalasyndaǵy №15 mektep oqýshysy Danııar Kerimqulovqa QazUTÝ-da oqýǵa grant berse, QazUTÝ atynan barlyq jeńimpazǵa bir jyldyq grant berildi.
