Mektep oqýshylary qaı jastan bastap temekige əýes bolady

ASTANA. QazAqparat - QR Parlamenti Senatynyń depýtaty, Qazaqstandaǵy Bala quqyqtaryn qorǵaý jónindegi ýákil Sáýle Aıtpaeva mektep oqýshylarynyń júris-turysy men tártibine alańdaýshylyq bildirdi, dep habarlaıdy QazAqparat.

«13-15 jastaǵy oqýshylar arasynda kún saıyn 14,8 paıyzy temeki tartady, 18 paıyzy alkogoldik ishimdikterge áýes. Balalardyń kóbisi, ıaǵnı 90 paıyzǵa jýyǵy nashaqorlyqtyń, temeki tartýdyń, ishimdiktiń zararly saldaryn túsine bermeıdi», - dedi S. Aıtpaeva Densaýlyq saqtaý men Bilim jáne ǵylym mınıstrleriniń atyna joldaǵan saýalynda.

Onyń sózine qaraǵanda, sońǵy 5 jylda jasóspirimder júktiliginiń 33 myńnan astam jaǵdaıy tirkeldi, onyń ishinde 15-ten 18 jasqa deıingiler arasynda 9 906 túsik jasatý oqıǵasy anyqtaldy.

Budan bólek senator oqýshylar arasyndaǵy asqazan-ishek aýrýlary, kózdiń kórý qabiletiniń nasharlaýy, tynys alý organdarynyń dertteri jıi kezdesetinin atap ótti.

«Salaýatty ómir saltyn nasıhattaý sharalary erte jastan balalardyń arasynda keńinen júrgizilýi kerek», - dedi Sáýle Aıtpaeva.