Mektep oqýshylary Kaspıı jaǵalaýynda etnoaýyldyń jobasyn jasady
ASTANA. QazAqparat - Mańǵystaý oblysynyń Aqshúkir aýylyndaǵy mektep-lıtseıiniń oqýshylary etnoaýyldyń jobasyn jasady, ol Kaspıı jaǵalaýynda 40 myń sharshy metr aımaqta ornalasady, dep habarlaıdy tumba.kz.
Bolashaq jobanyń maketi de daıyn. Mektep oqýshylary ony ózderiniń qoldarymen jasap shyǵardy. Joba boıynsha teńizdiń jaǵasyna qazaqtyń oıý-órnekterimen bezendirilgen demalatyn oryn ornalastarylady, sondaı-aq onda balalardyń demalýlary úshin arnaıy shatyr tigiledi. Buǵan qosa aımaqta sháıhana, ulttyq sport túrlerinen jarystar uıymdastyrylatyn sport alańy bar. Sondaı-aq jergilikti qolóner sheberleriniń týyndylary qoıylatyn kıiz úıler de tigiledi.
Etnoaýylda balalar túrli kásipterdi de úırenedi.
«Menińshe, bul keremet bastama. Bárinen buryn maǵan teńizdiń jaǵasynda túrli ónerdi úırengen unap tur. Menińshe, bul eresekterdi de balalardy da qyzyqtyrýy kerek»,-dedi Aqshúkir mektep-lıtseıiniń 11 synyp oqýshysy Ábish Shúkirbaı.
Joba avtorlary munda kelýshilerdiń óte kóp bolatyndyǵyna senimdi. Bul jerde kúnine 300-dan astam adam kelip demalady. Etnoaýyl mezgildik joba, sondyqtan ol kúzde jáne qysta jınap alynady.
«Bul meniń oqýshylarymnyń bastamasy bolatyn, men tek olardyń armandarynyń oryndalýyna qoldaý kórsetip júrmin. Eger joba sátimen júzege asatyn bolsa, etnoaýyl Mańǵystaý óńirindegi qonaqtar qatynaıtyn taǵy bir oryndardyń birine aınalady jáne oqýshylar da qazaq halqynyń mádenıetin tereńirek bile túsedi»,-deıdi jobanyń jetekshisi, Aqshúkir mektep-lıtseıiniń ustazy Gımran Músirov.
Qazirgi tańda jobanyń bastamashylary ony júzege asyrý úshin ákimdikke qaıyrylyp, jeke ınvestolar izdestirýde.
