Mektep oqýshylary granata laqtyrdy - QR Qorǵanys mınıstrligi

ASTANA. 4 maýsym. QazAqparat - Astana qalasy qorǵanys isteri jónindegi departamenti mektep oqýshylary arasynda «Aqsuńqar» áskerı-patrıottyq oıynyn ótkizdi. Sharaǵa 7-8 synypta oqıtyn 200-den astam mektep oqýshysy tartyldy. Alǵashqy áskerı daıyndyq pániniń oqytýshylarynyń oıyndy uıymdastyrýdaǵy basty maqsattary jastardy patrıottyqqa tárbıeleý, salaýattyq ómir saltyn qalyptastyrý, sondaı-aq jetkinshekterdi Qazaqstan Respýblıkasy Qarýly Kúshteriniń qataryna daıyndaý bolyp tabylady.

«Aqsuńqar» oıyndary ózara jarys sıpatynda ótkiziledi. Onyń baǵdarlamasyna ózennen, jyralar men jarqabaqtardan ótý, pnevmatıkalyq vıntovkadan nysanalar kózdeý, jyldamdyqpen sýdaǵy kedergilerden ótý jáne qol granatalaryn laqtyrý engizilgen.

«Jarysqa qatysýshy oqýshylar dalada daıyndalǵan astan dám tatty. Oıyn, ótetin aımaqta olar sarbazdardyń shatyryn ornalastyrdy. Munda medıtsınalyq pýnkt uıymdastyrylyp, onda qalalyq dárigerler kezekshilik etti»,-delingen QR Qorǵanys mınıstrligi baspaóz qyzmetiniń málimetinde.

«Aqsuńqar» oıyndarynyń qorytyndysy boıynsha № 52 mektep-lıtseıiniń oqýshylary jeńimpaz atandy. Ekinshi oryndy № 51 mektep-gımnazııasy, úshinshi oryndy № 63 mektep-lıtseıi ıemdendi. Chempıondar kýboktermen, medaldarmen, baǵaly syılyqtarmen, dıplomdarmen marapattaldy.

Astana qalasy qorǵanys isteri jónindegi departamenti bastyǵynyń orynbasary Bahtııar Pernebekov oqýshylardy jeńisterimen quttyqtap áskerı jetekshilerdiń úzdik jumysyn atap ótti.

«Aqsuńqar» áskerı-patrıottyq oıyndary Uly Otan soǵysynyń 68 jyldyǵyna, Qazaqstan Qarýly Kúshteriniń 21 jyldyǵyna jáne Astana qalasynyń 15 jyldyǵyna arnaldy.