Mektep oqýshylary jumys dápterlerin satyp alýǵa mindetti me

ÓSKEMEN. KAZINFORM — Mektep oqýshylary jumys dápterlerin satyp alýǵa qanshalyqty mindetti degen saýalǵa Shyǵys Qazaqstan oblystyq Bilim basqarmasynan jaýap berdi. 

Ata-analar óńirdegi keı mektepterde muǵalimderdiń birneshe pán boıynsha jumys dápterin satyp alýdy talap etetindikterin aıtyp shaǵymdandy. Dese de ata-analardyń arasynda mundaı dápterlerdi alýdy qoldap otyrǵandar da bar. Olar jumys dápterleri oqýshylarǵa materıaldy tıimdi meńgerýge kómektesedi dep esepteıdi.

Bul máselege oraı Shyǵys Qazaqstan oblystyq Bilim basqarmasy basshysynyń mindetin atqarýshy Janǵazy Álipbaev jaýap berdi. 

— Jańa oqý jylynda barlyq oqýshy bıýdjet esebinen qajetti oqý quraldarymen tolyq qamtamasyz etiledi. Al jumys dápterleri — tek qosymsha materıal. Eger ata-analar ony balalar úshin qajet dep sanasa, satyp ala alady. Biraq bul mindetti emes. Ata-analardy jumys dápterin satyp alýǵa májbúrleýge eshkimniń haqysy joq, — dedi ol.

Eske salsaq, osyǵan deıin Prezıdenttiń mektepten tys jerde oqys oqıǵa bolsa, oǵan ustaz jaýapty emestigin aıtqany habarlanǵan.