Mektep oqýshylary qandaı qylmysqa kóp barady
ASTANA. KAZINFORM – Atyraý oblysy Qulsary qalasynda synyptastaryna balta alyp júgirgen oqýshy oqıǵaǵa óziniń qorǵaný áreketi retinde barǵanyn aıtqan. Onyń anasynyń bul málimdemesin eskere otyryp tekserý júrgizilgeni týraly suraqtar qoıyldy.
Bul suraqqa Ortalyq kommýnıkatsııalar qyzmeti alańynda ótken brıfıngide Іshki ister mınıstrligi Ákimshilik polıtsııa komıteti tóraǵasynyń orynbasary Ǵalym Sarǵulov jaýap berdi.
– Qazirgi ýaqytta 293 bap boıynsha qylmystyq is qozǵaldy. Tergeý amaldary júrgizilip jatyr. Іs aıaqtalǵan soń tolyq jaýap beremiz, - dedi ol.
Sonymen qatar atalǵan komıtettiń basqarma bastyǵy 2025 jyly kámeletke tolmaǵandardyń qylmystarynyń ishinde 34-i mektep qabyrǵasynda tirkelgen, solardyń basym bóligi urlyqqa qatysty ekenin aıtty.
– Kóbinese urlyq. Balalar bir-birinen zattaryn, telefonyn urlaıdy, - dedi Aset Ospanov.
Eske sala keteıik, buǵan deıin mektepterde qaýipsizdikti kúzet uıymdary qamtamasyz etetinin jazǵan edik.