Oqýlyqtar Konstıtýtsııanyń jańa normalarymen tolyqty
ASTANA. KAZINFORM — Oqý-aǵartý mınıstrligi jalpy bilim beretin mektepterge arnalǵan jańa oqýlyqtardy ázirlep, olarǵa jańa Konstıtýtsııanyń normalary engizildi.
Oqý-aǵartý mınıstri Juldyz Súleımenovanyń aıtýynsha, 2026 jyly 2, 3, 7, 8 jáne 9-synyptardyń oqý baǵdarlamalary jańartylady. Jańa oqýlyqtarǵa jańartylǵan Konstıtýtsııanyń normalary men qundylyqtary engizilgen.
— Preambýladan bastap qamtyldy. Sondaı-aq adam kapıtalyn damytý, memlekettik qyzmettegi strategııalyq tásilder, bilim men ǵylymdy damytý týraly aıtylatyn 3, 33, 41-baptar jáne ózge de baptar kórinis tabady. Osy baǵyttardyń barlyǵy 1–11-synyptar aralyǵyndaǵy taqyryptar men oqý maqsattaryna engiziledi, — dedi spıker Úkimettegi brıfıng barysynda.
Sonymen qatar tsıfrlyq saýattylyq pániniń baǵdarlamasyna jasandy ıntellekt taqyryptary engiziledi. Atalǵan oqý modýli bastaýysh synyp oqýshylary úshin de qoljetimdi bolady.
— Buǵan deıin bizde tek tsıfrlyq saýattylyq bolsa, endi jańa taqyryptar men oqý maqsattary qosylady — barlyǵy 12 saǵat. 5-9-synyptarda tsıfrlyq saýattylyq pen ınformatıka pánderi de jańartylyp, jańa taqyryptar, jańa maqsattar jáne baqylaý jumystaryna arnalǵan jańa tásilder engiziledi, — dep tolyqtyrdy Juldyz Súleımenova.
Eske salsaq, oqý baǵdarlamalarynyń jáne oqýlyqtardyń mazmuny qaıta qaralǵan edi.
Sonymen qatar elimizde oqýlyqtardy daıyndaý jáne baqylaý tártibi jańartyldy.
