Mektep muǵalimi óz quqyǵyn Joǵarǵy sotta qorǵady
ASTANA. 27 qazan. QazAqparat /Aıdar Ospanalıev/ - «Almaty oblysynyń Eńbekshiqazaq aýdanyndaǵy Qarakemer aýylyndaǵy orta mektep muǵalimi óz quqyǵyn Joǵarǵy sotta qorǵady», - dedi Joǵarǵy sottyń resmı ókili Oksana Peters jýrnalıstermen bolǵan brıfıngte.
Onyń aıtýynsha, Qarakemer aýylyndaǵy K.Orymbetov atyndaǵy orta mektepte orys tili men ádebıetinen sabaq beretin ustaz N.Ahmetovany osy mektep dırektory 2010 jyly jumystan bosatqan. Mektep basshysynyń sheshimimen kelispegen ustaz Eńbekshiqazaq aýdandyq sotyna shaǵymdanady. Aýdandyq sot mektep dırektorynyń áreketin zańsyz dep taýyp, shaǵymdanýshyny jumysqa qaıta ornalastyrý týraly sheshim qabyldaıdy.
«Bunymen kelispegen mektep dırektory joǵary satydaǵy sottarǵa shaǵymdanady. Joǵarǵy sot N.Ahmetovanyń 2010 jyldyń 22 sáýirinde sottan shaqyrtý alǵan soń qyzmetin tastap ketýge májbúr bolǵandyǵyn eskere kele, mektep dırektorynyń osy iske baılanysty muǵalimge «qatań sógis» jarııalaý jónindegi buıryǵyn zańsyz dep tapty», - dedi resmı ókil.
