Mektep muǵalimi abaısyzda qurbysyn óltirip aldy
ASTANA. QazAqparat - Ekibastuz qalasynyń sotynda kólikti mas kúıinde júrgizgen mektep muǵalimine qatysty is qaraldy, dep habarlaıdy QazAqparat tilshisi.
Sot materıaldaryna sáıkes, ótken jyly I. esimdi kelinshek kólikti mas kúıinde aıdaǵany úshin úsh jylǵa júrgizýshi kýáliginen aıyrylǵan bolatyn. Osyǵan baılanysty arnaıy sot úkimi de shyqty. Soǵan qaramastan, mektep muǵalimi taǵy mas kúıinde kólikke otyrǵan. Sol kezde rýlge ıe bola almaı, jol apatyna uryndy. Onyń kóligi joldyń jıegine shyǵyp ketip, birneshe ret aýdarylǵan. Jol-kólik apaty kezinde kólikte bolǵan bir jolaýshy qatty jaraqat aldy. Ony dereý aýrýhanaǵa jetkizgen. Biraq kólik júrgizýshiniń qurbysy jansaqtaý bóliminde kóz jumdy.
«Sot otyrysynda kólik júrgizgen mektep muǵalimi óz kinásin tolyǵymen moıyndap, qatty ókinetinin jetkizdi. Al qaıtys bolǵan kelinshektiń aǵasy kólik júrgizýshisin keshirdi. Sottalýshy kelinshek pen qaryndasy ekeýiniń bala kezinen birge óskenin aıtyp, bas bostandyǵynan aıyrmaýdy surady. Sot úkimi boıynsha I. esimdi kelinshek QR Qylmystyq kodekstiń 346-baby, 2-tarmaǵy men 55-baby, 2-tarmaǵy boıynsha kináli dep tanylyp, 3 jyl 6 aıǵa bas bostandyǵynan aıyrý jazasyna kesildi. Budan bólek, oǵan 7 jylǵa deıin kólik júrgizýge tyıym salyndy. Qylmystyq kodekstiń 63-baby negizinde onyń jazasy shartty túrde belgilendi», - delingen sottyń habarlamasynda.
Foto: locally.de
