Mektep kúzetshileriniń kóbi vahterler men zeınetkerler – Іshki ister mınıstri

ASTANA. KAZINFORM – Mektepte oqýshylardyń sany 700-den joǵary bolsa, lıtsenzııalanǵan kúzet bolýy tıis. Balalardyń qaýipsizdigi týraly tolyǵyraq Іshki ister mınıstri Erjan Sadenov aıtyp berdi.

«Bıyl 2 655 bilim berý mekemesiniń qaýipsizdigin tekserdik. Tekserý nátıjesinde 1 myńnan astam zań buzýshylyq anyqtalyp, 340 basshy jaýapqa tartyldy, olarǵa 95 mln teńgege aıyppul salyndy. Bilim oshaqtary beınebaqylaý kameralarymen jabdyqtalǵan. Biraq, jeke bilim berý mekemeleri beınebaqylaý kameralarynyń 55%-y ǵana jedel basqarý ortalyǵyna qosylǵan. Beınebaqylaý kameralarymen qamtý boıynsha eń tómengi kórsetkish Jambyl, Shyǵys Qazaqstan oblysy jáne Almaty qalasynda», - dedi Erjan Sadenov Úkimet otyrysynda.

Mınıstrdiń málimdeýinshe, jeke mektepterdiń 85%-y dabyl túımelerimen jabdyqtalǵan.

«Eger bilim berý uıymynda adamn sany 700-den kóp bolsa, qaýipsizdikke lıtsenzııalanǵan kúzet jaýapty bolýy qajet. Olarda radıobaılanys quraldary, qyzmettik qarý jáne jedel mobıldi toptary bolady. Kúzetshilerdiń kóbisi qarapaıym vahterlar, zeınetkerler. Sondyqtan kez kelgen adam qaýipti zattardy kedergisiz kirgize alady», - deıdi ol.

Buǵan deıin Oqý-aǵartý mınıstri Ǵanı Beısembaev mektep syrtyndaǵy ájethana máselesine qatysty pikir bildirgen edi.