Mektep qurylysy: Qazaqstanda 259 myń oryn tapshy
«Qazirgi ýaqytta 259 myń oqýshy ornyna tapshylyq bar. Boljam boıynsha 2026 jylǵa qaraı oqýshy ornyna suranys shamamen 1 mln 200 myńǵa deıin ósedi. Sondyqtan, Memleket basshysynyń tapsyrmasy negizinde byltyr 277 mektep ashyldy. Bıyl taǵy 225 mektep salý josparlanǵan. Sonda osy eki jylda kem degende 326 myńnan asa jańa oryndar ashylady», - atap ótti mınıstr Úkimettiń búgingi otyrysynda.
Degenmen mınıstr áli de mektepterdi salý boıynsha problemalyq máseleler baryn aıtty.
«Osy máseleler Prezıdent tapsyrmasymen iske asyrylatyn jańa «Qolaıly mektep» ulttyq jobasy sheńberinde sheshiledi. Birinshiden, joba sheńberinde qosymsha 841 myń orynǵa 582 jańa mektep salynady. Ekinshiden, osy mektepter sapasy joǵary biryńǵaı qurylys jáne jabdyqtaý standarty qoldanylady. Úshinshiden, smetada laboratorııalarǵa, zamanaýı tehnıka men oqý jabdyqtaryna 16%-dan kem jumsalmaýy qajet», - dedi.
Jańa mektepterde paıdaly oqý alańdary da ulǵaıady. Bastaýysh synyptarǵa jeke blok qarastyrylady.
«Jańa mektepterdi pedagogtermen qamtamasyz etý úshin 100 myń bilikti kadr daıarlanady. Qazirgi ýaqytta 433 mektepti salatyn jer telimderi anyqtaldy, ákimdikter taǵy 155 jer ýchaskesin jyldyń sońyna deıin bólýi qajet», - dedi mınıstr.
