Mektep kitaphanalarynyń qory tsıfrlandyrylady

NUR-SULTAN. QazAqparat – Elimizdegi mektep kitaphanalarynyń qory kórkem ádebıettermen tolyqtyrylady. Bul jaıynda Májilis depýtattarynyń saýalyna QR Premer-Mınıstriniń orynbasary Eraly Toǵjanovtyń jaýabynda aıtylǵan, dep habarlaıdy QazAqparat tilshisi.

«Búgingi kúni balalardyń oqýǵa qushtarlyǵyn yntalandyrý jáne olardyń oqý saýattylyǵyn qalyptastyrý maqsatynda 3 mıllıonnan astam oqýshyny qamtıtyn «Oqýǵa qushtar mektep» jobasy iske asyrylýda. Jobanyń aıasynda bilim berý uıymdaryna qarasty kitaphanalar qyzmetkerleriniń biliktiligin arttyrý, kitaphanalardyń materıaldyq-tehnıkalyq bazasyn jaqsartý, qoryn kórkem ádebıetpen tolyqtyrý jáne ony tsıfrlandyrý boıynsha sharalar qabyldanady. Osyǵan oraı bilim berý uıymdarynyń qorlaryn merzimdik balalar basylymdarymen turaqty túrde tolyqtyrý týraly usynystaryńyzdy qoldaımyz», - delingen Eraly Toǵjanovtyń jaýabynda.

Sonymen qatar QR Premer-Mınıstriniń orynbasary memleket menshigindegi «Ulan», «Drýjnye rebıata», «Aq jelken», «Baldyrǵan» balalar basylymdary biriktirilmeıtindigin ,

«Nickelodeon», «Tiji», «Mýlt» jáne «Karýsel» sııaqty tanymal sheteldik balalar telearnalarynyń Qazaqstan aýmaǵyndaǵy efırin tolyǵymen memlekettik tilde kóshirý máselesi pysyqtalyp jatqanyn atap ótedi.