Mektep ishinde ornalasqan jylytý qazandyǵy oqýshylardyń ómirine qaýip tóndiredi
Onyń atap ótýinshe, elimizdegi jalpy bilim berý uıymdarynyń 11,3 paıyzy ǵana nemese 823 uıym Іshki ister mınıstrligi Jedel basqarý ortalyǵynyń bazasyna qosylǵan. Mektepterde 25 640 vahterler men kúzetshiler qyzmet jasaıdy. Sondaı-aq mektepterdiń 6,4 paıyzy mamandandyrylǵan kúzet qyzmetiniń qaraýyna alynǵan.
«Bes óńirde mundaı mamandandyrylǵan kúzet qarastyrylmaǵan. Olar: Almaty, Jambyl, Qostanaı oblystary jáne Shymkent pen Qyzylorda qalalary. Mektepterdiń 14 paıyzynda ǵana dabyl túımeshegi bar. Bul jalpy 6 152 mektepte dabyl túımesheginiń joq ekendigin bildiredi. Sondyqtan árbir bilim berý uıymy bul aqparattardy baqylaýǵa alyp, júzege asyrylýyn qamtamasyz etýi tıis», - dedi ol.
Sonymen qatar komıtet tóraıymy mektep ishinde ornalasqan jylytý qazandyqtary da oqýshylardyń ómirine qaýip tóndiretindigin aıtady.
«Elimizdiń 256 mektebinde, onyń ishinde qalada 9, aýyldyq jerlerde 247 mektepte osyndaı qazandyqtar anyqtaldy. Olardyń kóbi Aqmola, Qostanaı, Aqtóbe jáne Túrkistan oblystarynda. Atalǵan másele boıynsha jol kartasyn ázirledik. Osy jol kartasyna sáıkes, 2021-2022 jyldary bul jumystar barlyq óńirde tolyq oryndalyp, qazandyqtar qaýipsiz jerge shyǵarylýy tıis»,- dedi komıtet tóraǵasy.
