Mektep ınspektorlary men áleýmettik pedagogtar jasóspirimderdiń quqyqtyq saýattylyǵyn arttyrmaq

«Qyrkúıektiń 13-inen bastap qazannyń 6-syna deıin elordada «Polıtsııa jáne mektep» atty keń aýqymdy aktsııa ótýde. Atalǵan sharanyń negizgi maqsaty - jasóspirimderdiń zańǵa moıynsynýyn qalyptastyryp, quqyqtyq saýattylyǵyn arttyrý», deıdi Astana qalalyq ІІD-niń bólim bastyǵy Gúlnar Ómirsheńova.

Osyǵan oraı búgin qalalyq ishki ister departamentinde kásibı daıyndyqty jetildirý jáne jasóspirimder qylmysyn aldyn ala anyqtaýdaǵy ádistemelik jumystar boıynsha mektep ınspektorlary men áleýmettik pedagogtarǵa arnalǵan trenıng ótýde.

Alǵa qoıylǵan mindetterdi tıimdi júzege asyrý maqsatynda jyl basynan beri 35 bilim berý mekemesiniń oqýshylarymen dáris, áńgimeleý, trenıng túrinde túsindirý jumystary júrgizildi. Sonymen qatar atalǵan aktsııaǵa qoldaý kórsetýge shaqyrǵan hat ákimdikterge, sottarǵa, prokýratýra organdaryna, bilim berý, densaýlyq saqtaý mekemelerine, úkimettik emes uıymdarǵa jiberildi.