Mektep ınspektorlarynyń shtaty nelikten qysqartyldy

ASTANA. KAZINFORM – Premer-Mınıstr Oljas Bektenov Senat deptýtattarynyń saýalyna oraı mektep ınspektorlarynyń shtaty nelikten qysqartylǵanyn túsindirdi.

«Mekteptiń» polıtsııa ınspektorlary ınstıtýty (kámeletke tolmaǵandar arasyndaǵy, ásirese bilim berý mekemelerindegi qylmystyń «órship ketýine» den qoıýdyń májbúrli sharasy retinde) 2000 jyly quryldy. Olardyń negizgi mindeti bógde adamdardyń mektepterge kirýine jáne tyıym salynǵan zattardy alyp ótýine jol bermeý boldy», - dedi Oljas Bektenov.

Úkimet basshysynyń dereginshe, búgingi tańda ákimdikter mektepterdiń 84 paıyzyn beınebaqylaý júıelerimen qamtamasyz etý jumystaryn júrgizdi. Naqty aıtqanda elimizdegi 8 898 mekteptiń 7 221-i beınebaqylaý júıesimen qamtyldy.

«Sonymen birge «mektep» ınspektorlary is júzinde pedagogterdi almastyra otyryp, ózderine tán emes fýnktsııalardy (tártipti qamtamasyz etý, sabaqqa kelmeıtin balalardy sabaqqa ákelý jáne t.b.) oryndaı bastady. Osyǵan baılanysty Prezıdent Ákimshiligimen kelisý boıynsha mektep ınspektorlarynyń shtattary qysqartylyp, ýchaskelik ınspektorlardyń sany (áıelderdi zorlyq-zombylyqtan qorǵaý jáne kámeletke tolmaǵandardyń isteri boıynsha) artty. Jalpy, tárbıe jumysy zamanaýı úrdisterge sáıkes únemi jetildirilýde», - dedi Premer-Mınıstr.