Mektep ǵımaraty jalǵa berildi: Almaty ákimdigi aqparatqa jaýap berdi

ALMATY. QazAqparat – Almatydaǵy № 189 orta mekteptiń oqýshylary óz bilim ordalarynyń ǵımaraty jeke kompanııaǵa jalǵa berilgenin málim etti, dep habarlaıdy QazAqparat tilshisi.

Oqýshylardyń beıneúndeýi áleýmettik jelide tarady. Onda olar ata-analar men oqýshylardy mundaı zańsyz sheshimge qarsy turýǵa shaqyrdy.

Almaty qalalyq bilim basqarmasy Bostandyq aýdany, «Nur Alataý» yqshamaýdanyndaǵy №189 memlekettik jalpy bilim beretin mektep ǵımaratynyń bir bóligin jalǵa berý máselesine qatysty jaýap berdi.

«Atalǵan bilim mekemesin jalǵa berý týraly aqparat shyndyqqa janaspaıdy. Áleýmettik jelide taraǵan beıneúndeýge qatysty muǵalimder, oqýshylar men ata-analar arasynda qajetti túsindirý jumystary júrgizildi», - dep jaýap berdi qalalyq bilim basqarmasynan.

Sondaı-aq málim etilgendeı, Almaty qurylys basqarmasy mektep ǵımaratyn kúrdeli jóndeýden ótkizý úshin jáne seısmıkalyq turǵyda kúsheıtý boıynsha jobalyq-smetalyq qujattama ázirlep jatyr. Qurylys-montaj jumystary 2023 jylǵa josparlanǵan.