Mektep formasynyń otandyq óndirisi ınstıtýtyn qurý máselesin qarastyrý kerek - Á.Isekeshev
ASTANA. QazAqparat - Mektep formasynyń otandyq óndirisi ınstıtýtyn qurý máselesin qarastyrý qajet. Bul týraly búgin QR Parlamenti Májilisindegi Úkimet saǵatynda QR Investıtsııalar jáne damý mınıstri Áset Isekeshev málim etti.
«Mektep formasymen qamtamasyz etý sapasy erekshe alańdaýshylyq týyndatyp otyr. Otandyq óndirýshiler barlyq oqýshylardy mektep formasymen qamtamasyz etýge jáne jergilikti bıýdjetke salyq túsimderin arttyrýǵa qaýqarly bolǵanymen tenderdi utyp alýshylar negizinen tapsyrysty Qytaıǵa nemese Túrkııaǵa beredi», - dedi ol.
Mınıstrdiń atap ótýinshe, elimizde birjyldyq mektep formasy naryǵynyń kólemi 30,0 mlrd. teńgeden asyp jyǵylady eken. Al mektep formasyn daıyndaý úshin tenderdi utyp alýshylar tapsyrysty shetelge beretindikten jyl saıyn Qazaqstan qazynasyna qosylǵan qun salyǵy túrindegi 4 mlrd. teńgeden astam soma túspeı qalyp otyr.
«Osy sebepti mektep formasynyń otandyq óndirisi ınstıtýtyn qurý máselesin qarastyrý qajet», - dedi Á.Isekeshev.
