Mektep formasyna qatysty sheshimdi ata-analardyń ózderi qabyldaıtyn boldy
NUR-SULTAN. QazAqparat – Oqýshylar mektepke ózderine yńǵaıly kıimmen kele alady. Bul karantındik shekteýler jaǵdaıynda ata-analar men oqýshylardyń yńǵaıy úshin qabyldanǵan sheshim.
Qazaqstan mektepteriniń áleýmettik jelilerinde oqýshylardyń oflaın oqýǵa oralýyna baılanysty osyndaı habarlandyrýlar jarııalana bastady, dep habarlaıdy QazAqparat.
«Qurmetti ata-analar! Mektep formasyna qatysty sheshimdi ózderińiz qabyldaısyzdar. Balalar mektepke mektep formasymen nemese klassıkalyq stılge jaqyn ózine yńǵaıly ári uqypty kıimmen kele alady. Oqý jyly bastalǵanǵa deıin Bilim jáne ǵylym mınıstrligi bıylǵy oqý jylynda mektep formasyna qatysty sheshimdi ata-analarǵa qabyldaýǵa múmkindik beretin buıryqqa qol qoıǵan bolatyn. Bul karantındik shekteýler jaǵdaıynda ata-analar men oqýshylardyń yńǵaıy úshin qabyldanǵan sheshim»,-delingen áleýmettik jelidegi habarlamada.
