Mektep formasyna emblema japsyrý mindetti me
ASTANA. QazAqparat - Belgili bir óndirýshilerdiń tıisti mektep formasyn emblema mehanızmi arqyly satyp alý talaptary durys emes. Bul týraly Ortalyq kommýnıkatsııalar qyzmetinde Bilim jáne ǵylym mınıstri Erlan Saǵadıev málim etti, dep habarlaıdy QazAqparat.
Baspasóz máslıhatynda Astanadaǵy kez kelgen dúkende mektep formasyn tabý ońaı ekenin, alaıda mektep emblemalaryn emin-erkin alý qıyndyq týdyratyny aıtyldy. Keıbir saýda oryndary mektep formasyn satyp alǵan jaǵdaıda ǵana emblemany beretin kórinedi. Osy oraıda, «balalardy mektepke emblemasyz jiberýge bola ma?» degen saýal qoıyldy.
«Mektep basshylyǵy belgili bir óndirýshilerdiń tıisti mektep formasyn emblema mehanızmi arqyly satyp alýǵa balalardy májbúrleýge quqyly emes. Meniń oıymsha, bul turǵyda bizge tıisti túsiniktemeni nemese buıryqty qabyldaý kerek. Másele rettelgenshe, tıisti bir merzimde balalarǵa mektepke emblemasyz barýǵa ruqsat etetin qujatty bekitken jón. Bizdińshe, bireýler «mektep formasyn alǵan jaǵdaıda ǵana emblemany alasyzdar» dep talap qoısa, bul durys emes. Emblemalar emin-erkin satylýy tıis. Jalpy, bul máseleni tyńǵylyqty túrde retke keltirý kerek dep sanaımyn», - dedi Erlan Saǵadıev.
Budan buryn habarlanǵandaı, Bilim jáne ǵylym mınıstrligi muǵalimderdi UBT-ǵa qatysý mindetinen bosatý bastamasyn qoldady.
