«Mektep formasy nege qymbat?» - respýblıkalyq basylymdarǵa sholý

***

«Alash aınasy» gazetiniń jazýynsha, aǵymdaǵy jyly qazaq eli ýran shıkizatyn óndirýde álem elderi boıynsha birinshi orynǵa shyqpaq. Bul maqsattaǵy josparlanǵan meje - 18 myń tonna ýran shıkizatyn óndirý. Indýstrııa jáne jańa tehnologııalar mınıstrliginiń paıymyna qulaq asqan basylym bul mejeniń qazaq eliniń baǵyndyrýyna qarymy da, daryny da jetetindigine bek senimdi. «Bul - árıne qýanatyn jaıt. Osy rette «qazaqtyń atyn munaıdan keıin ýran álemge tanytatyn boldy» deıtin sarapshylar da joq emes. Alaıda kúngeıdiń kóleńke tusy bolatyny tárizdi osy ýran óndirý týrasynda biraz túıtkilder de bar. Búginde shıki ýran óndirýge baılanysty otandyq mamandar «qazaq óziniń baılyǵyn saýda-sattyqqa saldýdan ári asa almaı jatyr» degen qyjyldy da alǵa tartady. Osyǵan oraı biz ýran óndirý salasynda júrip ótken qadamdarymyz jaıly oı tartqatyp kórýdi jón kórdik», dep jazady basylym. Avtor tarqatqan oı jetegine sholý jasaǵyńyz kelse, onda gazettiń búgingi nómirindegi «Ýrannyń ár gramyna baqylaýdy kúsheıtken abzal» degen maqalany nazaryńyzdan jiberip almańyz.

Meıli jarly, jarty bolsyn, jetim ıakı baı bolsyn, kez kelgen mektep jasyndaǵy bala elimizde jalpy orta bilimmen qamtylýy tıis. Bul - olardyń konstıtýtsııalyq quqyǵy. Osy quqyqty júzege asyrý maqsatynda tamyzdyń 1-i kúni elimizde mektep jasyndaǵy balalardyń oqýdan tys qalýynyń aldyn alýǵa baǵyttalǵan «Mektepke jol!» atty dástúrli respýblıkalyq aktsııa bastaldy. Osyǵan oraı «Alash aınasy» gazetiniń beısenbilik nómirinde «Mektep formasy nege qymbat?» degen taqyryppen maqala basyldy. Jarııalanymda Astana qalalyq bilim basqarmasynyń bastyǵy Ásıma Bımendınanyń «ata-anasynyń turǵylyqty jerin rastaıtyn tirkelý qaǵazynyń joqtyǵy balany mektepke qabyldamaýǵa syltaý bola almaıdy! Mektepterimizde oqýshy ornynyń tapshylyǵy da basym ekeni belgili, biraq soǵan qaramastan, bizder balalardyń konstıtýtsııalyq quqyǵyn qamtamasyz etýge tıispiz», degen sózi keltirilgen.

Osy basylymnyń turaqty «Dat!» aıdarynda Almaty oblysynyń ákimi Serik Úmbetovpen aradaǵy suhbat jarııalandy. Basylym tilshisiniń barlyq saýaldaryna tuşymdy jaýap bergen ákim suhbaty «Úlken mindet júktelip, senim artylǵan eken, ony rııasyz oryndaý - paryzym» degen taqyryppen jaryq kórip otyr. Ekeýara áńgime barysynda ol «qazaqtyń tarıhy mal sharýashylyǵymen tyǵyz baılanysty. Qazaq amandasqanda «mal-jan aman ba?» dep birinshi kezekte mal jaǵdaıyn suraǵan. «Maly amannyń jany aman» degen sóz - bul. Mal - qazaqtyń berekesi. Esimde, bala kúnimde oınap júrip qoıdy teýip jibergen edim, atam arqamnan alyp kep qaldy da: «mal seniń yrysyń, onyń tezegi de adamǵa paıdaly», - dedi. Atamnyń sol sóziniń astarynda úlken mán jatqanyn eseıe kele túsindim. Men úshin ózge sharýashylyqtar bir tóbe de, mal sharýashylyǵy - bir tóbe», depti.

***

«Astanada rýhanı mádenıet forýmy ótedi». Bul jaǵymdy jańalyqty «Astana aqshamy» gazeti jarııalap otyr. Basylymnyń jazýynsha qazaq eliniń búkil álemdik ımıdjine jańa tynys berer ıgi bastama aǵymdaǵy jyly ótpek. Elimizdiń júregi Astana qalasynda 2010 jylǵy qazannyń 18-20-sy aralyǵynda, tarıhta alǵash ret Búkilálemdik rýhanı mádenıetiniń forýmy ótedi.

«Astana aqshamy» gazetiniń dástúrge aınalǵan «Áleýmet saýaly - ákim jaýaby» aıdarynda elorda basshysy Imanǵalı Tasmaǵambetov astanalyqtardyń ózderin mazalaǵan saýaldaryna egjeı-tegjeıli jaýap bergen.

***

«El bolashaǵyn senip tapsyrar jastarymyzdyń bári el basqarýǵa qumar bolyp shyqty. Olardyń arasynda aǵylshyn tilin meńgerip, aýdarmamen aınalysqysy keletinder de kóp. Biraq otandyq mashına jasaý salasyna úles qosýdy oılaıtyndar joqtyń qasy. Al ushý apparatyn synaqtan ótkizetin maman ataný oılaryna da kirip-shyqpaıtyn sekildi. Bul týraly keshe óz jumysyn bastaǵan bilim berý granttaryn taǵaıyndaý jónindegi respýblıkalyq konkýrstyq komıssııanyń alǵashqy otyrysynda belgili boldy», dep jazady «Aıqyn» gazeti. Jazylǵan jaıt qyzyqtyrsa, basylymnyń beısenbilik nómirinde jaryq kórgen «Otandyq kólik jasaıtyn mamandardy qaıdan tabamyz?» degen maqalaǵa nazar aýdaryńyz.

Taıaýda elimizge AQSh Memlekettik departamentiniń musylman qaýymdastyǵymen baılanys jónindegi arnaıy ókili Farah Pandıt hanym kelip, birqatar jýrnalıster jáne blogshylarmen kezdesken edi. Kezdesý barysyndaǵy onyń dúnıejúzindegi musylman halyqtary men ózge de din ókilderiniń qarym-qatynasy jaıynda aıtqan áńgimesi «Aıqyn» gazetiniń beısenbilik sanynda «Batys ıslamǵa qarsy» degen pikirdi moıyndamaımyn» degen taqyryppen jaryq kórip otyr. «Óz basym «Batys ıslamǵa qarsy» degen pikirdi moıyndamaımyn ári qabyldamaımyn. Bir-birimizge syılastyq jóninde sóz sóılegen AQSh prezıdenti Barak Obamanyń Kaırdegi baıandamasyna mán berińiz. Bizden ózgeshe adamdarǵa da qarym-qatynasymyz jaqsy bolýy kerek. Olar dinı azshylyq bolsyn, basqa násildi, basqa dindi ustansyn, biraq qarym-qatynasymyz bárine túzý bolýy kerek», deıdi ol.

***

«Keshe Aqordada Memleket basshysy Nursultan Nazarbaev azamattardyń quqyqtaryn qorǵaýdyń ózekti máseleleri boıynsha keńes ótkizdi», dep jazady «Kazahstanskaıa pravda» gazeti QR Prezıdentiniń baspasóz qyzmetine silteme jasap. Premer-Mınıstr K. Másimov, Memlekettik hatshy-syrtqy ister mınıstri Q.Saýdabaev, Prezıdent Ákimshiliginiń basshysy A.Mýsın, Bas prokýror Q.Mámı, Joǵarǵy sot tóraǵasy M.Álimbekov, Іshki ister mınıstri S.Baımaǵanbetov, QR Ekonomıkalyq qylmysqa jáne sybaılas jemqorlyqqa qarsy kúres agenttiginiń tóraǵasy Q.Qojamjarov jáne quqyq qorǵaý qurylymdary men memlekettik organdardyń basshylary qatysqan keńes barysynda úlestik qurylysqa ózderiniń qarjylaryn salǵan azamattardyń problemalaryn sheshýmen, qylmyspen kúrestiń jaı-kúıimen, elde zańdylyq pen quqyq tártibin qamtamasyz etýmen, sondaı-aq kásipkerlik qyzmetindegi azamattardyń quqyqtaryn qorǵaýmen baılanysty máseleler áńgime boldy.

«Elbasy memleket úleskerlerdiń quqyqtaryn qorǵaýda jetkilikti sharalardy qabyldap otyrǵanyn atap ótti. Atap aıtqanda, úlestik qurylysty qoldaýǵa bıýdjetten 518,8 mıllıard teńge bólindi. Búgingi kúni 353 turǵyn úı keshenderi qazirdiń ózinde salyndy, 45 myńnan astam úleskerdiń problemalary sheshildi», dep jazady basylym. Maqalanyń tolyq nusqasyn «Kazahstanskaıa pravda» gazetiniń beısenbilik sanynan oqı alasyzdar.