Mektep formasy barynsha qoljetimdi bolýy tıis – Prezıdent
«Mektep formasyn barlyq oqýshyǵa barynsha qoljetimdi etý asa mańyzdy. Áleýmettik turǵydan álsiz sanalatyn keıbir toptaǵy balalarǵa ony bıýdjet esebinen berý qajet dep sanaımyn. Mektep formasyna arnalǵan memlekettik tapsyrysty otandyq jeńil ónerkásipti damytýǵa beıimdegen jón», - dedi Memleket basshysy.
Budan bólek Prezıdent pedagogıkalyq joǵary oqý oryndaryn akkredıtatsııalaýdyń jańa standarty qabyldanatynyn aıtty.
«Jańa Qazaqstandy qurý isinde muǵalimderdiń róli aıryqsha ekeni sózsiz. Memleketimizde sońǵy jyldary ustaz mamandyǵynyń abyroı-bedelin arttyrý úshin kóp jumys jasaldy. Degenmen bul baǵytta áli de birshama ózgerister qajet. Pedagogıkalyq joǵary oqý oryndaryn akkredıtatsııalaýdyń jańa standarty qabyldanady. Sondaı-aq ustazdardyń quzyret aıasy aıqyndalady. Jahandyq ǵylymı-tehnıkalyq damý barysyn eskersek, joǵary synyptarda jaratylystaný-matematıka pánderin jáne aǵylshyn tilin oqytýdy barynsha kúsheıtý mańyzdy», - dedi Qasym-Jomart Toqaev.
«Qoǵamda qazaq jáne orys tilin mektepte oqytý máselesi boıynsha pikirtalas bolyp jatyr. Naqty aıtaıyn: biz qazaq tilin de, orys tilin de jaqsy biletin balalardy tárbıeleýimiz qajet. Sebebi bul urpaqtyń múddesi úshin kerek. Oqý-aǵartý mınıstrligi popýlısterdiń jeteginde ketpeı, balalardyń múddesin qorǵaýǵa tıis. Bilimdi jáne birneshe tildi meńgergen urpaq bolashaqqa senimmen qadam basady. Bizdiń kúshimiz – jastardyń biliminde», - dedi Memleket basshysy.
