Mektep dırektorynyń qyzmetkerlerdi jazǵy jóndeý jumystaryna tartýǵa quqyǵy bar ma

ÓSKEMEN. QazAqparat – ShQO memlekettik eńbek ınspektsııasynan mektep dırektorynyń qyzmetkerlerdi jazǵy jóndeý jumystaryna tartýǵa quqyǵy bar-joqtyǵy týraly suraqqa jaýap berdi, dep habarlaıdy QazAqparat tilshisi.

«QR Eńbek kodeksinde jáne ózge de zańdarda kózdelgen keıbir jaǵdaılardy qospaǵanda, qyzmetkerden eńbek shartynda joq jumystardy oryndaýdy talap etýge tyıym salynady. ıAǵnı, jumysshynyń mindetteri eńbek shartynda nemese qyzmettik mindetterde naqty belgilenýi kerek. Al jumys berýshiniń eńbek shartynda kózdelmegen jumystardy oryndaý jónindegi talaptary qosymsha tólenýi tıis», - dep habarlady basqarmadan.

Eńbek kodeksiniń 111-baby 2-tarmaǵynyń 2-tarmaqshasyna sáıkes jumysshynyń óz mindetinen basqa taǵy da laýazymdardy oryndaǵany nemese ýaqytsha bolmaǵan qyzmetkerdiń mindetterin oryndaǵany úshin qosymsha aqylardyń mólsheri oryndalǵan jumys kólemine sáıkes jumys berýshi men qyzmetkerdiń arasyndaǵy kelisim boıynsha belgilenedi.

Eger mektep ujymyn eńbek kelisimshartynda kórsetilmegen jumystardy isteýge májbúrlese ShQO memlekettik eńbek ınspektsııasy basqarmasyna Óskemen qalasy Karl Lıbkneht kóshesi, 19 mekenjaıyna kelip nemese 8(7232) 25-65-02 telefon nómiri arqyly shaǵymdana alady.