Mektep dırektory attestatsııadan ótý úshin muǵalimderden aqsha jınaǵan
ASTANA. QazAqparat - Jambyl oblysynda orta mektep dırektory qyzmetin asyra paıdalanǵany úshin 1 jylǵa bas bostandyǵynan aıyryldy, dep habarlaıdy «QazAqparat» HAA aýdandyq sottyń baspasóz qyzmetine silteme jasap.
Shý aýdandyq soty bilim ordasynyń basshysy S.L.-ǵa qatysty QR Qylmystyq kodeksiniń 362-baby («Bılikti nemese laýazymdyq ókilettikterdi asyra paıdalaný») 1-bóligimen qylmystyq is qozǵaǵan.
Іs materıaldaryna qaraǵanda, aýdandyq orta mekteptiń dırektory S.L. qol astyndaǵy qyzmetkerlerge 2017 jyldyń qańtar aıynda memlekettik attestatsııany ótkizý úshin mektepke Jambyl oblysy bilim salasyn baqylaý departamentinen komıssııa keletinin aıtqan.
Sonymen qatar S.L. attestattaýdan súrinbeı ótý úshin árbir pedagogtan 30 myń teńge, tehnıkalyq qyzmetkerlerden 9 myń teńgeden aqsha jınaýdy talap etken. Bul áreketimen ol jábirlenýshilerge jalpy 270 myń teńge kóleminde materıaldyq zalal keltirgen.
Mektep basshysy sot otyrysynda óz kinásin moıyndamady. Sottyń úkimimen S.L. aıypty dep tanylyp, oǵan 1 jylǵa bas bostandyǵynan aıyrý jazasy belgilendi. Sottyń úkimi zańdy kúshine engen joq.
