Mektep dırektorlarynyń jumysqa qabyldaý quqyǵyn shekteý qajet - B.Nurmuhamedov
ASTANA. 21 aqpan. QazAqparat - Mektep dırektorynyń jumysqa alý quqyǵyn alyp tastaý qajet. Búgin QR Bilim jáne ǵylym mınıstrligi janyndaǵy Qoǵamdyq keńestiń májilisinde Ulttyq zertteýler ınstıtýtynyń dırektory Bórihan Nurmuhamedov osyndaı usynys jasady.
«Menińshe, búginde mektep dırektorynyń jumysqa alý quqyǵyn alyp tastaıtyn ýaqyt keldi. Sebebi bul - sybaılas jemqorlyqqa toly másele. Ásirese, elimizdiń ońtústik aımaqtarynda ondaı jaǵdaı qatty seziledi. Mektep dırektory qyzmetkerge qatysty tártiptik jazany qoldanyp, jumystan shyǵarý máselesimen aınalysa bersin. Alaıda muǵalimdi jumysqa alýmen arnaıy kadr agenttigi shuǵyldanýy tıis dep oılaımyn», - deıdi B.Nurmuhamedov.
