Mektep dırektorlarynyń jalaqysy muǵalimderden tómen – mınıstr
«Qazir mektep dırektorlarynyń jalaqysy keıbir muǵalimderden de tómen. Óıtkeni, pedagogtar óz sanattaryn kóterý arqyly ústemeaqylar alady. Sondyqtan, kóptegen dırektorlyq vakansııalar bos tur. Bir mektepte 200 bala oqysa, keı mektepte 1200 bala bilim alady. Óz jumysyn tıimdi atqaratyn dırektorlar bar jáne kerisinshe. Sondyqtan, mektep dırektorlaryna, meńgerýshilerge, ádiskerlerge qoldaý kórsetý qajet. Bilim jáne ǵylym mınıstrligi bul máseleni ústemeaqy jolymen sheshýdi qarastyryp jatyr», - dedi mınıstr búgin Ortalyq kommýnıkatsııalar qyzmetinde ótken baspasóz máslıhatynda.
Onyń aıtýynsha, jalaqyny kóterý kólemi dıfferentsıaldy jáne eńbek ótili men sanatqa tikeleı baılanysty bolady. Birinshi sanat úshin eńbekaqyny 100% deıin kóterý josparlanyp otyr.
