Mektep dırektorlaryn oblystyq bilim departamentteri taǵaıyndaıtyn boldy jáne olar ár bes jyl saıyn aýystyrylady
ASTANA. 7 tamyz. QazAqparat -Aldaǵy ýaqytta mektep dırektorlary oblystyq bilim departamentteriniń kelisimi boıynsha taǵaıyndalatyn bolady.
Bul týraly búgin Astanada Elbasynyń «Qazaqstannyń áleýmettik jańǵyrtylýy: Jalpyǵa Ortaq Eńbek Qoǵamyna qaraı 20 qadam» atty baǵdarlamalyq maqalasyn túsindirý boıynsha aqparattyq-nasıhattyń negizgi baǵyttaryn aıqyndaý jóninde ótken keńeste Bilim jáne ǵylym vıtse-mınıstri Mahmetqalı Sarybekov málim etti.
«Memleket basshysy dırektorlyq korpýstyń sapalyq áleýetin jaqsartýǵa qatysty tapsyrmalar júktegen bolatyn. Árıne bul qarapaıym másele emes. Ásirese BAQ-ta mektep dırektorlarynyń oblystyq basqarmalardyń kelisiminsiz taǵaıyndalatyny týraly jıi másele kóterilgen bolatyn. Búgingi kúni bul quzyret aýdan ákiminde. Al mınıstrlikte osy máseleniń sheshimin tabý úshin Orta bilim memlekettik mekemelerindegi basshylyqtardy konkýrstyq aýystyrý erejelerin bekitý týraly buıryq shyǵaryldy», - deıdi vıtse-mınıstr.
Onyń aıtýynsha, oblystyq bilim departamentiniń kelisiminen bólek, dırektorlardy taǵaıyndaýǵa qatysty taǵy bir jańalyq bar - bul ár bes jyl saıyn dırektor konkýrs arqyly aýystyrylatyn bolady. «ıAǵnı, is basyndaǵy dırektorlar úshin taǵaıyndaýdy uzartý degen múldem bolmaıdy», - deıdi M. Sarybekov.
