Mektep dırektorlary memlekettik satyp alýmen aınalysyp júr – Altaı Kólginov
NUR-SULTAN. QazAqparat – Elordada mektep dırektorlary kásibinen tys mindetterden arylady. Bul týraly qala ákimi Altaı Kólginov aıtyp berdi, dep habarlaıdy QazAqparat tilshisi.
Ákimniń aıtýynsha, mektepti kompıýtermen, ózge qajetti jabdyqtarmen qamtamasyz etý, qurylys máseleleri – memlekettiń mindeti.
«Mektep dırektorlarynyń mindeti – balalardy oqytý syndy zııatkerlik bólik bolýy tıis. Árkim óz isimen aınalysýy qajet. Bizdiń dırektorlar memlekettik satyp alýmen aınalysyp júr. Muǵalimdermen kezdesýde «Mektep dırektorlaryn memlekettik satyp alýdan bosatyp, zııatkerlik jumystarmen aınalyssyn» degenimde barlyǵy qoldady», - dedi búgin Altaı Kólginov «Astana – adaldyq alańy» jobasy aıasynda QR Sybaılas jemqorlyqqa qarsy is-qımyl agenttiginiń tóraǵasy Alık Shpekbaevpen kezdesýde.
Buǵan deıin ákim orynbasary Baqtııar Máken mektep dırektorlarynyń kabınetterin kishireıtip, bos aýmaqty oqýshylarǵa berý qajettigin aıtqan edi.
Sonymen birge, mektepti uzaq basqarǵan dırektorlarǵa pılottyq rotatsııa júrgizý usynyldy.
