Mektep dırektorlaryn taǵaıyndaý qaǵıdalary ózgerdi
ASTANA. KAZINFORM — ASTANA. KAZINFORM — Memlekettik bilim berý uıymdarynyń birinshi basshylary men pedagogterin laýazymǵa taǵaıyndaý, laýazymnan bosatý qaǵıdalary ózgerdi. Ózgerister Oqý-aǵartý men Eńbek jáne halyqty áleýmettik qorǵaý mınıstrlikteriniń birlesken buıryǵynda kózdelgen.
Qujatqa sáıkes, aýdandyq (qalalyq) bilim bólimi memlekettik bilim berý uıymynyń birinshi basshysy laýazymyna bos nemese bos oryn paıda bolǵan kúnnen bastape 5 jumys kúniniń ishinde oblystyq bilim basqarmasyna konkýrs ótkizý týraly ótinish hat joldaıdy. Al bos nemese ýaqytsha bos turǵan birinshi basshy laýazymy basshy orynbasaryna nemese pedagogke konkýrs rásimi aıaqtalǵanǵa deıin atalǵan bilim berý uıymyn basqarý júkteledi. Biraq, bul merzim 6 aıdan astaýy tıis. Degenmen, konkýrs ótpeı qalǵan jaǵdaıda birinshi basshysy mindetin atqarý 6 aılyq merzimge bir ret uzartylýy múmkin.
Al orta bilim berý uıymyndaǵy laýazymǵa pedagogty taǵaıyndaý konkýrsy «pedagogty jumysqa qabyldaý» modýlinde elektrondy formatta, al mektepke deıingi, qosymsha, arnaýly bilim berý, tehnıkalyq jáne kásiptik, orta bilimnen keıingi bilim, jetim jáne ata-anasynyń qamqorlyǵynsyz qalǵan balalarǵa arnalǵan bilim berý uıymdardaǵy laýazymǵa pedagogty taǵaıyndaý qaǵaz formatta júzege asyrylady.
Memlekettik bilim berý tapsyrysy nemese jergilikti atqarýshy organdardyń memlekettik tapsyrysy boıynsha joǵary nemese joǵary oqý ornynan keıingi bilim berý uıymdaryn bitirgen (sońǵy eki jyldaǵy, pedagogıkalyq ótili joq túlekter) tulǵalar GPA kórsetkishi 3,33 baldan tómen emes bolǵan, sertıfıkattaýdan ótkeni týraly qujattary jáne grant taǵaıyndalǵany týraly kýáligi bolǵan kezde konkýrstyq rásimderden ótpeı jumysqa qabyldanady.
Aıta ketelik aýyl mektebiniń pedagogteri dırektor bolýdan nege qashqaqtaıtyny týraly jazǵan edik.
