Mektep dırektory shtatty óz erkimen ózgerte alady – zań
Bilim beri uıymdarynyń erkindigi keńeıtiledi. Bul týraly Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly» zań jobasyn talqylaý kezinde depýtat Ashat Aımaǵambetov málim etti, dep habarlaıdy Kazinform.
«Kelesi baǵyt – bilim beri uıymdarynyń erkindigin keńeıtý. Qazir bilim berý uıymdary úshin tıptik shtattar bekitilgen, ıaǵnı synyptardyń sanyna baılanysty mekemede osynshama orynbasar, esepshi bolýy kerek dep bekitiledi. Biraq mekeme basshysynda osy shtattardy tıimdi paılalaný úshin qajeti joq laýazymdy basqasyna almastyrýǵa eshqandaı derbestigi joq. Sondyqtan zań jobasynda bekitilgen shtat sanynyń aıasynda shtat kestesiniń laýazymdaryn aýystyrý quqyǵy beriledi», – dedi A. Aımaǵambetov.
Depýtattyń aıtýynsha, tıptik shtatqa baılanysty mektep dırektorynda 7 orynbasar bolýy kerek bolsa, dıektor olardyń sanyn óz erkimen azaıtýǵa múmkindik alady.
«Máselen, 4 orynbasaryn qaldyryp, úsheýiniń ornyna psıholog, áleýmettik pedagog nemese basqa da qajet qyzmetkerleriniń laýazymdaryn engize alady. Bilim bólimimen shtat kestesin keliskende, buny jylyna bir ret júzege asyra alatyn bolady», – dedi depýtat.
Bul turǵyda A. Aımaǵambetov dırektorlarǵa beriletin bul derbestik mekteptegi ákimshilik qyzmetterge ǵana qatysty bolatynyn naqtylady.
«Bul ózgeristiń muǵalimderge qatysy joq. ıAǵnı muǵalimder negizgi personal bolǵannan keıin, dırektorlar muǵalimder sanyn azaıta almaıdy. Tek orynbasarlaryna qatysty ákimshilik laýazymdardy basqa qyzmetke aýystyra alady. Atap aıtqanda, ákimshilik qyzmettegi orynbasarlarynyń sanyn azaıtyp, onyń ornyna mektepke kerek muǵalimdik qyzmetti qosa alady. Óıtkeni biraz mektepke psıhologtar men áleýmettik pedagogtar jetispeıdi. Sondyqtan úlken mektepterde 7 orynbasar qarastyrylsa, onyń tórteýin qaldyryp, qalǵanynyń ornyna muǵalimderdi tarta alady. Dırektorlarǵa osyndaı múmkindik berilip otyr, biraq ol – mindet emes», – dedi Ashat Aımaǵambetov.
Aıta keteıik, búgin Májilistiń jalpy otyrysynda «Qazaqstan Respýblıkasynyń keıbir zańnamalyq aktilerine bilim berý jáne tálimgerlik máseleleri boıynsha ózgerister men tolyqtyrýlar engizý týraly» Zańy qabyldandy.
Qujat aıasynda sabaq ústinde telefon qaraýǵa shekteý engizildi.
Sondaı-aq atalǵan zań boıynsha mektep pen aýrýhana salynbaǵan aýdandarda kópqabatty turǵyn úılerdi turǵyzýǵa tyıym salynady.
