Mektep bitirý keshi qarsańynda elordalyq ata-analar men túlekterge eskertý jasaldy
ASTANA. KAZINFORM – Elordadaǵy bilim berý uıymdarynda 18 maýsym kúni jalpy orta bilim týraly attestattardy saltanatty túrde tabystaý rásimi ótedi. Osyǵan baılanysty ata-analar men túlekter merekelik is-sharalardy uıymdastyrý kezinde qaýipsizdik talaptaryn qatań saqtaýy qajet, dep habarlaıdy elorda ákimdiginiń resmı saıty.
Túlekterdiń ómiri men densaýlyǵynyń qaýipsizdigin qamtamasyz etý maqsatynda mektep bitirý keshterin meıramhanalarda, dámhanalarda, banket zaldarynda, demalys bazalarynda jáne tabıǵat aıasynda ótkizýge, avtokortej uıymdastyrýǵa, tańdy qarsy alý sharalaryn ótkizýge, sondaı-aq qatysýshylardyń qaýipsizdigine qaýip tóndirýi múmkin ózge de is-sharalardy uıymdastyrýǵa jol berilmeıdi.
Sonymen qatar attestat tapsyrý rásimin uıymdastyrý men ótkizý kezinde ata-analarǵa, zańdy ókilderge nemese oqýshylarǵa aqsha, syılyq, túrli jarnalar men ózge de materıaldyq zattar jınaýǵa qatań tyıym salynatyny eskertildi.
Mektep bitirý keshiniń basty qundylyǵy – qymbat meıramhana men merekelik dastarqan emes. Onyń shynaıy máni – ustazdarǵa alǵys bildirý, mekteppen qoshtasý, synyptastarmen erekshe estelikterdi bólisý jáne bolashaqqa senimmen qadam basý.
Elorda bıligi ata-analar men túlekterdi jaýapkershilik tanytyp, bul kúndi joǵary mádenı deńgeıde ótkizýge shaqyrady.
Eske sala keteıik, buǵan deıin
