«Mektep bitirýshiler keshi» jedel-profılaktıkalyq is-sharasyn ótkizýdiń qorytyndysy shyǵaryldy
ASTANA. Maýsymnyń 22-si. QazAqparat /Danıel Shaıynǵazın/ - Mektep bitirýshiler keshterin ótkizýdiń qarsańynda tıisti quqyqtyq tártipti qamtamasyz etý maqsatynda aǵymdaǵy jyldyń 14-18 maýsymy aralyǵynda respýblıka aýmaǵynda «Mektep bitirýshiler keshi» jedel-profılaktıkalyq is-sharasy ótkizildi, dep habarlaıdy Qazaqstan Respýblıkasy ІІM Ákimshilik polıtsııa komıtetinen.
Іs-sharanyń negizgi maqsaty - jasóspirimder qylmystaryn eskertý jáne aldyn alý, túngi ýaqytta zańdy ókilderinsiz oıyn-saýyq mekemelerinde júrgen kámeletke tolmaǵandardy anyqtaý.
Operatsııany ótkizýge polıtsııa qyzmetkerleri, bilim berý, prokýratýra organdarynyń, Nur Otan HDP, ata-analar komıtetiniń ókilderi jumyldyryldy.
Іs-shara ótkizgen 5 kúnde kámeletke tolmaǵan alkogoldik ishimdik ishken 400 bala, túngi ýaqytta zańdy ókilderinsiz ınternet-kafede jáne kompıýterlik klýbtarda bolǵan 1,7 myń jasóspirim jáne qadaǵalaýsyz 1,6 myń bala anyqtaldy.
Ákimshilik jaýapkershilikke 2326 eresek adamdar tartyldy, onyń ishinde balalardy tárbıeleý boıynsha mindetterin oryndamaǵan úshin - 856, kámeletke tolmaǵandardy ákimshilik quqyq buzýshylyqtardy jasaýǵa tartqan úshin - 22, alkogoldik mas kúıge jetkizgeni úshin - 58, túngi mezgilde oıyn-saýyq mekemelerinde júrgen kámeletke tolmaǵandardy anyqtaýda - 144, kámeletke tolmaǵandarǵa temeki ónimderin satýdy anyqtaýda - 401 derek belgili boldy.
Operatsııa barysynda 1279 kámeletke tolmaǵan jáne 1304 qolaısyz otbasy profılaktıkalyq esepke qoıyldy.
Jalpy, osy jedel-profılaktıkalyq is-sharanyń ótkizýi kámeletke tolmaǵandardyń arasynda quqyq buzýshylyqtyń aldyn alýǵa oń yqpal etti. 120 myńnan astam oqý oryndarynyń túlekteri qatysqan mektep bitirýshiler keshterin ótkizý aıasynda birde bir quqyq buzýshylyq oryn alǵan joq.
Qoǵamdyq tártipti saqtaýǵa jáne qoǵamdyq jáne jol qaýipsizdigin qamtamasyz etýge mektep bitirýshiler keshterin ótkiziletin jerlerde 12,5 myńnan astam polıtsııanyń qyzmetkerleri jumyldyryldy.
