Mektep bitirgenderine 20 jyl bolǵan Tólebı turǵyndary kópbalaly anaǵa páter syılady

TÓLEBI. QazAqparat - Túrkistan oblysy, Tólebı aýdanynyń turǵyndary metep bitirgenderiniń 20 jyldyǵyna oraı kópbalaly anaǵa páter tartý etti. Olar qasıetti Ramazan aıynda osyndaı qaıyrymdy is jasap, kópke úlgi boldy, dep habarlaıdy QazAqparat tilshisi.

Tólebı aýdanyndaǵy №2 Sh.Ýálıhanov atyndaǵy mektebin 1999 jyly bitirgen túlekter, aýyzashar uıymdastyrǵan. Basqosýǵa barlyq muǵalimder men ata-analaryn shaqyryp, sol jerde kópbalaly anaǵa bir bólmeli páterdiń kilti men balalaryna syılyqtar tabystaǵan. Osy arqyly halyq sanyn kóbeıtip otyrǵan otbasylarǵa qoldaý kórsetken.

Aıta keteıik, alty perzenti bar jalǵyzbasty ana Aınur Qaltursynova jyldar boıy páter jaldap turyp kelgen. Kúıeýi ótken jyly ómirden ózǵan kelinshektiń tuńǵyshy 13-te bolsa, kenje uly 11 aılyq. Búginde bes qyz, bir ulymen kúneltip kelgen ana janǵa jaıly páter syılaǵan túlekterge alǵysyn jetkizdi.