Mektep basshylyǵynyń jalaqysy qalaı kóteriledi
ASTANA. QazAqparat - QR Bilim jáne ǵylym vıtse-mınıstri Bıbigúl Asylova mektep dırektorlary men oqý isi meńgerýshileriniń jalaqysyn kóterýge qatysty pikir bildirdi, dep habarlaıdy QazAqparat tilshisi.
«Mektep dırektorlarynyń quzireti keńeıip jatqan joq. Biz muǵalimderdiń jalaqysyn ósiremiz dep, mektep basshylyǵynyń jalaqysyn jaıdan-jaı kótere almaımyz ǵoı. Negizi, dırektorlar men oqý isi meńgerýshileriniń qyzmet baby ózgergen joq, jańa fýnktsııalar da qosylmady. Sol sebepti jalaqylary da sol qalpynda qaldy. Degenmen, olar 9 saǵatqa deıingi oqý júktemesin alyp,sabaq bere alady. Eger ol sabaqtar bilimniń jańartylǵan mazmunyna sáıkes kelse, onda 30 paıyzdyq ústeme aqyny berýge bolady», - dedi B.Asylova QazAqparat tilshisine bergen suhbatynda.
Vıtse-mınıstrdiń oıynsha, memlekettik qyzmetshilerdiń jumys tıimdiligin baǵalaý boıynsha jańa talaptardy ázirleý kerek. KPI-diń naqty úlgisi bolsa, mektep dırektorlarynyń jalaqysyn da jumysyna qaraı tóleýge bolady.
Aıta keteıik, muǵalimderdiń 30 paıyzdyq ústeme aqysy osy aıdan bastap tólenedi.
