Mektep baǵdarlamasyna «Logıka» pánin qaıta engizý qajet - Astana qalasynyń ákimi
ASTANA. 28 tamyz. QazAqparat - Búginde mektep baǵdarlamasyna «Logıka» pánin qaıta engizý qajet. Astanada ótip jatqan Qazaqstan pedagogtarynyń Tamyz keńesinde Astana qalasynyń ákimi Imanǵalı Tasmaǵambetov osyndaı usynys jasady.
Osy oraıda I.Tasmaǵambetov «Logıka» pániniń tarıhyna toqtaldy. «1917 jylǵa deıin logıka mektep baǵdarlamasynda boldy. 1918 jylǵy revolıýtsııadan keıin ony alyp tastady. Sosyn ol pándi tek soǵys jyldarynan keıin ǵana qaıta bere bastady. Al, endi qarańyzshy, ol boıynsha soǵysqa deıin sabaq bergende ǵoı, adam shyǵyny az bolar edi. Sebebi logıkanyń arqasynda adam strategııany qurastyrýdy úırenedi. Sóıtip, mektep baǵdarlamasyna soǵystan keıin engizilgen logıkany 1953 jyly qaıtadan alyp tastady. Demek, XX ǵasyrda bul pán tek on jyldaı ǵana berildi», - deıdi ákim. Onyń oıynsha, «Logıka» pánin Qazaqstandaǵy mektep baǵdarlamasyna engizý qajet. «Sebebi qazirgi zamanda balalar aqparat aǵynyn taldaı otyryp, ózderiniń jeke kózqarastaryn qalyptastyra bilýi tıis», - dep atap kórsetti I.Tasmaǵambetov.
