Mektep baǵdarlamasyna qandaı ulttyq sport túrleri engiziledi
2020 jyly 30 jeltoqsanda Memleket basshysy «Qazaqstan Respýblıkasynyń keıbir zańnamalyq aktilerine mádenıet, dene shynyqtyrý jáne sport máseleleri boıynsha ózgerister men tolyqtyrýlar engizý týraly» Qazaqstan Respýblıkasynyń Zańyna qol qoıdy. Zańnyń negizgi baǵyttary BJDDK jáne dárigerlik-dene shynyqtyrý dıspanserler jelisin keńeıtýge, halyqpen jumys isteıtin shtattyq sport nusqaýshylaryn qamtamasyz etýge, sporttyq medıtsına men adaptıvti dene shynyqtyrý salasyndaǵy mamandardy daıarlaý jáne olardyń biliktiligin arttyrý úshin jaǵdaılar jasaýǵa arnalǵan.
«Zań aıasynda «qazaq kúresi», «toǵyzqumalaq», «asyq atý» boıynsha bilim berýdiń barlyq deńgeılerinde dene shynyqtyrý sabaqtaryna ulttyq sport túrleriniń mindetti komponentin engizý josparlanýda», - dedi E. Qojaǵapanov Májilistiń Áleýmettik-mádenı damý komıtetiniń keńeıtilgen otyrsynda.
Sonymen qatar, bıyldyń 27 sáýirinde memlekettik sporttyq jáne shyǵarmashylyq tapsyrys arqyly sport sektsııalary men shyǵarmashylyq úıirmelerdi jan basyna qarjylandyrý boıynsha normatıvtik quqyqtyq aktiler memlekettik tirkeýden ótti.
«Bıylǵy 1 mamyrdan bastap barlyq óńirler qatysatyn memlekettik sporttyq jáne shyǵarmashylyq tapsyrys tetigi jan basyna qarjylandyrý platformasy arqyly iske asyrylady. Osy normalardy qabyldaý buqaralyq sportty, onyń ishinde balalar sportyn damytýǵa oń áserin tıgizedi dep sanaımyn», - dedi vıtse-mınıstr.
Budan buryn habarlanǵandaı, búgingi otyrys barysynda buqaralyq sport óńirlerdegi kóptegen azamat úshin áli de qoljetimdi emes ekeni aıtyldy.
Erlan Qojaǵapanovtyń sózine qaraǵanda, byltyr elimizdiń dene shynyqtyrý-sport qozǵalysyna 5,9 mln adam qatysqan.
