Mektep baǵdarlamasynan keıbir pándi alyp tastaý kerek pe – mınıstr jaýaby

ASTANA. KAZINFORM – Oqý-aǵartý mınıstri Ǵanı Beısembaev mektep pánderiniń keıbirin oqý baǵdarlamasynan alyp tastaýǵa qatysty túsinik berdi. 

Májilistiń jalpy otyrysynan keıin BAQ ókilderi vedomstvo basshysynan ata-analar men birqatar pedagogtyń usynysy boıynsha mektep pánderiniń keıbirin oqý baǵdarlamasynan alyp tastaýǵa qatysty pikirin surady.

«Birden aıtaıyn, ata-analar artyq dep sanady dep alyp tastalmaıdy. Qazir ǵalymdar, mamandar, talqylap jatyr, óıtkeni, balanyń álemdik básekege qabilettiligin qalyptastyrý úshin, balanyń jan-jaqty bilimdi bolýy óte mańyzdy. Sondyqtan bul jerde ǵylymı kózqaraspen kelý kerek dep esepteımin», - dep qysqa jaýap qaıtardy Ǵanı Beısembaev. 

Aıta keteıik, mınıstr bıyl tamyzda Astanada ótken aýyl pedagogteriniń forýmynda mektep baǵdarlamasyna eshqandaı jańa pán engizilmeıtinin aıtqan edi. 

Eske sala ketsek, osy jyly shahmatty mektep baǵdarlamasyna engizý de sóz boldy.