Mektep avtobýsy buǵynyń kesirinen apatqa ushyrady
ASTANA. QazAqparat - AQSh-ta avtobýs júrgizýshisi jolǵa júgirip shyqqan buǵyny baspas úshin rýldi kúrt buryp, aǵashqa soǵyldy, saldarynan 14 mektep oqýshysy men júrgizýshi zardap shekti.
Oqıǵa Leksıngton qalasyna jaqyn jerde Ketýkkı shtatynyń ońtústik-shyǵys bóliginde oryn aldy. Júrgizýshi buǵyny qaǵyp ketpes úshin rýldi kúrt buryp jibergen, saldarynan kólik joldan shyǵyp ketip, aǵashqa soǵylǵan.
Bul rette polıtseılerdiń aıtýynsha, eger ol jerde aǵash bolmaǵanda apat saldary tipti aýyr bolar edi, dep habarlady ABC.
Zardap shekkender aýrýhanaǵa jetkizildi, olardyń ómirine esh qaýip joq.
