Mektep avtobýstarynyń avtoparki jańartylady - Úkimet otyrysy

NUR-SULTAN. QazAqparat – Mektep avtobýstarynyń avtoparki jańartylady. Bul týraly búgin Úkimet otyrysynda QR Bilim jáne ǵylym vıtse-mınıstri Sholpan Karınova aıtty, dep habarlaıdy QazAqparat tilshisi.

«Bıyl alǵash ret 25 myńnan asa balany oqý ornyna qaýipsiz tasymaldaý úshin arnaıy mektep avtobýstarynyń avtoparki aýqymdy túrde jańartylady. Ákimdikter 515 mektep avtobýstaryn lızıngpen satyp alýda. Alǵashqy avtobýstardy osy aıdyń ishinde Aqmola oblysyna jetkizý josparlanǵan», - dedi ol.

Vıtse-mınıstrdiń atap ótýinshe, Balalar jyly bastaýysh synyp oqýshylaryn tegin ystyq tamaqpen qamtý 10 paıyzǵa ósti. Bul rette Shymkent qalasy, Qaraǵandy oblysynyń jumysyn oń baǵalaýǵa bolady.

«Balalar jylynda alǵash ret jas sportshylarymyzdyń halyqaralyq sport jarystaryna qatysýyna respýblıkalyq bıýdjetten qarajat bólinip, qazaqstandyq komanda Frantsııadaǵy Dúnıejúzilik gımnazıadada 86 medal jeńip alyp, 70 eldiń ishinde Brazılııa, Frantsııadan keıin 3-oryndy ıelendi. 2,4 mln oqýshy qosymsha bilim alyp jatyr. Bıyl 270 myńnan asa bala qosymsha úıirmeler men sektsııalarmen qamtylady. Jyl sońyna deıin qamtý kórsetkishi 5 paıyzǵa ulǵaıady», - dedi Sholpan Karınova.