Mektep ashanasynda tyıym salynatyn taǵam tizimi jańardy

ASTANA. KAZINFORM — Oqýshylar tutynatyn as mázirine ózgerister engizildi. Tolyǵyraq Densaýlyq saqtaý mınıstri Aqmaral Álnazarova aıtyp berdi.

— Ótken jyldyń sońynda jańa standart bekitildi, oǵan sáıkes daıyn taǵamdardaǵy qant mólsheri 3,5 ese, al tuz mólsheri 2–2,5 ese azaıtyldy. Sondaı-aq oqýshylar taǵamyna qatysty qatań shekteý engiziledi, ásirese, mekteptegi býfetke qatysty. Atap aıtqanda, mektep ashanasynda tez qorytylatyn kómirsýlarǵa, chebýrekke, maıǵa qýyrylǵan bálishke, gambýrger taǵy sol sııaqty fast-fýd túrine tyıym salynady, — dep jaýap berdi Aqmaral Álnazarova Úkimet úıinde ótken baspasóz máslıhatynda.

Odan bólek mınıstrdiń málimdeýinshe, shokoladty batondar men tátti gazdalǵan sýsyndarǵa da shekteý qoıylady.

— Atalǵan ózgerister 2025 jylǵy 1 qyrkúıekten bastap kúshine enedi, — deıdi vedomstvo basshysy.

Eske salaıyq, bıyl mamyrda mektepte tamaqtanýdyń jańa standarty ázirlengeni týraly habarlaǵan edik.