Mektep ashanasy: jańartylǵan ratsıonda ne bolady
ASTANA. KAZINFORM — Densaýlyq saqtaý mınıstrligi oqý jylynyń basynan bastap elimizdiń mektepke deıingi jáne mektep uıymdarynda tamaqtanýdyń jańa standartyn engizýge daıyndyǵyn talqylady.
— Tamaqtaný standartyna sáıkes tamaqtanýdy uıymdastyrý protsesine qatysýshylardyń barlyǵynyń naqty fýnktsııalary anyqtaldy. Sanıtarııalyq-epıdemıologııalyq baqylaý komıteti úlgilik mázirdiń 3 nusqasyn ázirlep, olardy óńirlik densaýlyq saqtaý basqarmalaryna jiberdi.
Jergilikti jerlerde ata-analardan, balalardan jáne pedagogıkalyq qoǵamdastyqtan negizdelgen tilekter bolǵan jaǵdaıda usynylǵan túrdegi nemese ózgerister engize otyryp perspektıvalyq mázir bekitilýi múmkin, — dep atap ótti Densaýlyq saqtaý birinshi vıtse-mınıstri Tımýr Sultanǵazıev.
Jańa standart semizdik, qant dıabeti, júrek-qan tamyrlary jáne basqa da sozylmaly aýrýlardyń damý qaýpin azaıtý maqsatynda qant pen tuzdy tutynýdy azaıtýdy qosa alǵanda, oqýshylardyń dıetasyn jaqsartýǵa baǵyttalǵanyn esterińizge sala keteıik.
Durys tamaqtaný salasyndaǵy sarapshylardyń baǵalaýy boıynsha standart talaptaryn qatań saqtaý balalardyń semizdigin 10-15%- eǵa, 2 tıpti qant dıabetin 10-20%-ǵa, arterııalyq gıpertenzııany 8-18%-ǵa jáne basqa sozylmaly aýrýlardy 5-15%-ǵa tómendetýge yqpal etedi.
Bul rette balalardyń jańartylǵan ratsıonynda kókónisterdi, jemisterdi, tutas dándi daqyldardy, aqýyzdardy jáne sút ónimderin kóbirek qosý kózdeledi.
Qazirgi ýaqytta Qazaq tamaqtaný akademııasynyń, Ulttyq salaýatty tamaqtaný ortalyǵynyń, ıÝNISEF-tiń, ulttyq qoǵamdyq densaýlyq saqtaý ortalyǵynyń jáne Sanepıdbaqylaý komıtetiniń Ulttyq saraptama ortalyǵynyń mamandaryn tarta otyryp, oqytý is-sharalary belsendi júrgizilip jatyr.
Aıta ketelik Densaýlyq saqtaý mınıstrligi Premer-mınıstrdiń tapsyrmasy boıynsha Oqý-aǵartý mınıstrligimen, Qazaq taǵamtaný akademııasymen, ıÝNISEF jáne DDU-men birlesip 2025 jylǵy 1 qyrkúıekten bastap kúshine enetin mekteptegi tamaqtanýdyń jańa standarty men kóp nusqaly úlgilik mázirdi ázirlep, bekitken edi.