Mektep ashanalaryn ashý algorıtmi egjeı-tegjeıli qaralady – Bas sanıtarlyq dáriger

NUR-SULTAN. QazAqparat – QR Densaýlyq saqtaý vıtse-mınıstri – Bas memlekettik sanıtar dáriger Erlan Qııasov «Oqý jylynyń úshinshi toqsanynda mektep ashanalary ashyla ma?» degen suraqqa jaýap berdi, dep habarlaıdy QazAqparat tilshisi.

«Mektep ashanasy boıynsha másele qarastyrylyp jatyr. Epıdemıologııalyq jaǵdaıy qolaıly aımaqtaǵy keıbir óńirlerde mektep ashanalaryn ashý boıynsha usynystar kelip jatyr. Sondaı-aq, balalardyń qaýipsizdigin barynsha qamtamasyz etý, koronavırýs ınfektsııasyn juqtyrý qaýpin azaıtý úshin mektep ashanalaryn ashý algorıtmi egjeı-tegjeıli qaralady», - dep jaýap berdi E. Qııasov OKQ-da ótken brıfıngte tilshi saýalyna.

Buǵan deıin Erlan Qııasov Pravoslav dinindegi Kreşenıe merekesi qalaı ótetinin aıtty.

Sonymen birge, brıtandyq koronavırýs shtammy Qazaqstanda tirkelmegendigi málim boldy.