Mektep ashanalary men dárethanalaryna monıtorınginiń ekinshi kezeńi bastaldy

ASTANA. QazAqparat – Mektep ashanalary men jýynatyn bólmelerin baqylaýǵa arnalǵan «Balaǵa laıyq» aktsııasynyń ekinshi kezeńi bastaldy. Bul týraly QazAqparat oqý-aǵartý mınıstrliginiń baspasóz qyzmetine silteme jasap habarlaıdy.

«Balaǵa laıyqtyń» birinshi kezeńi aktsııanyń tıimdiligin kórsetti. Alǵashqy monıtorıng nátıjesinde 1 myńnan astam habarlama tústi. Jergilikti atqarýshy organdarǵa jazǵy demalys kezinde barlyq kemshilikti joıý tapsyryldy», - deıdi Oqý-aǵartý mınıstrliginiń Balalardyń quqyqtaryn qorǵaý komıteti tóraǵasynyń orynbasary Elına Paýlı. Sonymen qatar, aktsııa aıasynda anyqtalǵan úlgili mektepter yntalandyrylady. Al, kemshilikterdi joıý esebi áleýmettik jeliler arqyly jarııa etiledi.

«Kemshiliktermen jumys júrgizilgennen keıin Instagram-daǵy @balaga.laiyq paraqshasyna mektep dárethanalary men ashanalarynyń «deıingi jáne keıingi» fotolary men vıdeolary jarııalanady. Mektepter zańdy túrde ákimdikterge baǵynady jáne mektepterdi salý men ustaýdy qarjylandyrý olardyń quzyrynda ekenin eske sala ketemiz. Osyndaı aktsııany ótkizý arqyly biz birge balalarǵa qolaıly jaǵdaı jasaýǵa tyrysamyz», - dedi Elına Paýlı.

Bul naýqanǵa muǵalimder, ata-analar, balalar jáne kez kelgen azamattar qatysa alady. Ol úshin foto jáne vıdeo túsirip, mekemeniń ataýy men mekenjaıyn kórsetse bolǵany. Mektep ashanalary men dárethanalaryna qatysty shaǵymdar, kemshiliktermen qatar, úlgi retinde kórsetýge bolatyn jaǵdaılar da qabyldanady.

Foto/beıne materıaldar WhatsApp pen Telegram-ǵa [phone] nómiri, Telegram botyndaǵy https://t.me/Balagakz_bot siltemesi arqyly nemese Instagram áleýmettik jelisine #BalaǵaLaıyq #balagalaiyq heshtegteri arqyly júktelip, @balaga.laiyq paraqshasy belgilenýi qajet.

Aktsııa 20 jeltoqsanǵa deıin jalǵasady.