Mektep ashanacynyń jumysynda qandaı ózgerister bolady
«Biz mektep ashanalaryn jańǵyrtýdyń jobasyn daıarladyq. Bul rette bıznes pen mekteptiń ózara is-qımyly boıynsha ońtaıly formatty qamtamasyz etý eskerilgen. Sonymen qatar balalardy tamaqtandyrýdyń naqty standarttaryn bekitip, bul saladaǵy qoǵamdyq baqylaýdy ornatý kózdelgen», - dedi T. Dúısenova.
Onyń sózine qaraǵanda, búginde mektep basshylyǵy jyl saıyn tenderler ótkizedi, al konkýrstyq rásimderge birneshe aı ketedi. Nátıjesinde, bızneske uzaq merzimge jumys isteýge múmkindik bolmaıdy.
«Bul rette bıznes ınvestıtsııa salýǵa qyzyǵýshylyq tanytpaıdy. Osyǵan baılanysty úshjyldyq bıýdjet aıasynda ashanany jalǵa alý merzimin úsh jylǵa deıin uzartý múmkindigin pysyqtaý kerek. Alaıda Densaýlyq saqtaý jáne Bilim mınıstrlikteri aıqyndaǵandaı, bıznes tıisti sapadaǵy jabdyqtardy ornatyp, standarttardy qamtamasyz etýi tıis», - dep túsindirdi Dúısenova.
Budan buryn habarlanǵandaı, jaqynda Senattyń jalpy otyrysynda depýtat Birǵanym Áıtimova orta mektepterde oqýshylardy tamaqtandyrýdaǵy kemshilikterdi ataǵan bolatyn.
«Ókinishke qaraı, sońǵy kezde jeke kásipkerler qyzmet kórsetetin birqatar mektep ashanalarynda as máziri talaptarǵa saı kele bermeıdi, taǵamdar tehnologııalardan aýytqýmen ázirlenedi. Sonymen qatar esepten jeý jáne kem ólsheý jaǵdaılary kezdesedi. Mekteptegi tamaqtandyrýdy uıymdastyrýshy osy salada jumys tájirıbesin jınaýǵa da úlgermeı jatyp, jyl saıyn aýysady. Tenderler ótkizý kezinde birqatar oblystarda jergilikti bilim berý basqarmalary taǵam qunynyń bir oqýshyǵa sanaǵanda tek qana 100 teńgeden aspaýyn talap etedi. 100 teńgege ne ázirleýge bolady? Osynyń saldarynan elimiz boıynsha mektep ashanalarynda oqýshylardyń sapasyz taǵamnan ýlanýy kóbeıe tústi», - dep atap ótti B. Áıtimova.
