Meksıkanyń jańa prezıdenti zeınetkerlik jasyn 68-ge deıin kótermek
ASTANA. QazAqparat - Meksıkanyń taıaýda saılanǵan prezıdenti Andres Manýel Lopes Obrador eldegi zeınetkerlik jasyn 65-ten 68-ge deıin kóterý múmkindigin qarastyrýǵa nıetti.
Bul týraly juma kúni La Jornada gazetiniń saıty jańa úkimette qarjy mınıstriniń orynbasary qyzmetine taǵaıyndalatyn Herardo Eskıvelge silteme jasap habarlady.
Onyń aıtýynsha, mundaı qadam Meksıkadaǵy zeınetaqy júıesin reformalaýdyń basqa múmkindikterimen birge baǵalanady. Eskıvel osy saladaǵy ózgeristerdiń Lopes Obradordyń alty jyldyq prezıdenttik merziminiń ekinshi jartysynda, ıaǵnı 2021 jyldan keıin júzege asyrylatynyn aıtty.
