Meksıkanyń soltústiginde jeńil ushaq apatqa ushyrady
MEKSIKA. QazAqparat – Meksıkanyń soltústigindegi Sonora shtatynda senbi kúni jeńil ushaq apatqa ushyrady. Ushaqtaǵy tórt adam, onyń ishinde ushqysh ta qaza tapty, dep habarlaıdy QazAqparat Milenio gazetine silteme jasap.
Úsh jolaýshy jaraqat alyp, aýrýhanaǵa jetkizildi. Olardyń ekeýiniń jaǵdaıy óte aýyr. Oqıǵa ornynan túsirilgen fotosýretterden ushaq jerge soǵylǵannan keıin tolyǵymen janyp ketkenin kórýge bolady.
Bılik ushaq apatynyń mán-jaıyn tekserýdi bastady. Aldyn ala málimetter boıynsha, ushaq elektr jelisine soǵylǵannan keıin qulaǵan.
