Meksıkanyń ońtústiginde joıqyn jer silkinisi boldy
ASTANA. QazAqparat - Meksıkanyń ońtústigindegi Oahaka shtatynda juma kúni magnıtýdasy 7,2 baldyq jer silkinisi boldy. Bul týraly AQSh-tyń Geologııalyq qyzmeti (USGS) málim etti, dep habarlaıdy TASS.
USGS alǵashqyda jer silkinisiniń magnıtýdasy 7,5 baldy quraǵandyǵyn habarlaǵan, biraq artynsha bul málimetti túzetti.
Seısmologtar zilzalanyń alǵashqy silkinisi asa kúshti bolǵandyǵyn, odan keıin de 100-den astam jer asty dúmpýin tirkedi»,-dep habarlady Ulttyq seımologııayq qyzmet óziniń Twitter-degi paraqshasynda.Olardyń eń qýattysy 5,9 baldy quraǵan.
Meksıka ІІM azamattyq qorǵanysy boıynsha úılestirýshi Felıpe Pýenteniń aıtýynsha, Oahaka, Chıapas, Mıchoakan, Pýebla jáne Mehıko astanalyq okrýginde qırandylar men zardap shekkender týraly málimetter túspegen.
