Meksıkanyń ońtústiginde polıtsııa eńbek quldyǵynan 50-den astam balany bosatty
ASTANA. QazAqparat - Meksıkanyń Federaldyq polıtsııa jáne prokýratýra qyzmetkerleri Chıapas shtaty Tapachýly aýdanyndaǵy kofe plantatsııasynda eńbek quldyǵynda bolǵan 50-den astam balany qutqardy. Kámeletke tolmaǵandardyń barlyǵy jáne olardyń ata-analary, jalpy alǵanda 18 januıa gvatemalalyq azamattyqqa ıe, dep habarlady TASC
"Bul 18 januıada jalpy alǵanda 54 kámelet jasqa tolmaǵan bala boldy", - dedi Chıapastaǵy Gvatemalanyń bas konsýly Ektor Sıpak. Onyń sózine qaraǵanda, olar aptasyna alty kún 10 saǵattan kofe dánderin iriktep jumys istegen. Kofeniń ár kelisi úshin olarǵa 1,5 peso ($0,09) ǵana tólep, durys tamaq bermegen.
Bılik ókilderi balalar eńbegin zańsyz paıdalanǵany úshin plantatsııa ıelerine aıyppul saldy. Osydan keıin barlyq otbasylar Gvatemalaǵa oraldy.
Kófe óndiretin 12 meksıkandyq shtattyń ishinde Chıapas aldyńǵy qatarlarda. Ulttyq kóshi-qon ınstıtýtynyń aqparatynsha, aımaqqa aýyl sharýashylyǵyndaǵy jumystarda isteý úshin jyl saıyn 75 myń gvatemalalyq barady.
