Meksıkanyń Kokýla qalasynda taǵy 12 adam joǵalyp ketti

Kanadanyń Media Luna shahtasynyń qyzmetkeri Hýan Sýnıgıdiń aıtýynsha, urlanǵan adamdardyń barlyǵy sol jerde jumys istegen. Alaıda bul aqparatty shahtaǵa ıelik etetin Torex Gold Resources kompanııasy joqqa shyǵaryp otyr. El Universal-ge bergen suhbatynda kanadalyq fırmanyń vıtse-prezıdenti Gabrıela Sanches urlanǵan adamdardyń bireýi ǵana kompanııanyń qyzmetkeri bolǵananyn habarlady.

Gerrero bıliginiń resmı ókilderi ázirshe esh málimet bermeı otyr.

Meksıka eliniń Bas prokýratýrasynyń habary boıynsha, dál Kokýlanyń janynda ótken jyldyń qyrkúıek aıynda urlanǵan stýdentterdiń múrdeleri órtelgen. Vedomstvo basshysy Hesýs Mýrılo Karamnyń aıtýynsha, stýdentter óltirilip, múrdeleri jaǵylǵan soń, olardyń kúli jáne qaldyqtary jaqyn jerdegi San-Hýan ózenine tastalǵan.