Meksıkanyń bir shtatynda oqýshylar avtobýstardy tonaýmen aınalysady
ASTANA. 15 naýryz. QazAqparat - Meksıkanyń batysyndaǵy Mıchoakan shatatyn eldiń basqa aımaqtarymen baılanystyryp turǵan kúrejol sońǵy kezderi belgisiz bireýlerdiń avtobýstarǵa shabýyl jasap, jolaýshylardy tonaýynyń jıileýine baılanysty
jabylyp qalǵan. Bul týraly jergilikti BAQ-tarǵa silteme jasaı otyryp, RIA «Novostı» habarlaıdy.
Mıchoakan men basqa shattardyń arasynda jolaýshylar tasymaldaıtyn on shaqty avtobýs kompanııalarynyń basshylary joldaǵy buzaqylyq saıabyrsyǵansha jumystaryn toqtatýǵa májbúr bolyp otyr. Olardyń málimetterine sensek, sońǵy 5 kúnniń ishinde 30-dan astam avtobýy buzaqylardy shabýylyna ushyraǵan.
Bul bassyzdyqqa polıtsııa ázirshe tosqaýyl qoıa almaı otyr. Kýágerlerdiń aıtýynsha, avtobýsqa shabýyl jasaıtyndar jergilikti mektepterdiń oqýshylary bolýy múmkin. Olar jolda kele jatqan avtobýsty aldap toqtatyp, jolaýshylaryn tonap qana qoımaı, kólikti taspen, aǵashpen uryp, qıratyp ketetin kórinedi.
