Meksıkanyń batysynda jeńil ushaq qulap, eki adam ajal qushty
ASTANA. QazAqparat - Meksıkanyń batysyndaǵy Mıchoakan shtatynda Cessna 182 jeńil ushaǵy qulap, eki adam ajal qushty. Bul týraly TASS jergilikti bılikke silteme jasap habarlady.
Apat Ýrýapan qalasynyń mańynda oryn alǵan. Ushqysh oqıǵa ornynda, al onyń áıeli birneshe saǵattan keıin qalalyq aýrýhanada alǵan jaraqattary saldarynan kóz jumdy. Bortta bolǵan olardyń 26 jastaǵy qyzdarynyń jaǵdaıyn dárigerler turaqty dep baǵalady.
Oqys oqıǵaǵa tehnıkalyq aqaý sebep bolǵan. Bul týraly ushqysh dıspetcherge habarlap úlgergen. Ushaq Ýrýapan áýejaıynan shamamen bir shaqyrym jerde qulady.
